काठमाडौं- प्रधानमन्त्री वालेन्द्र शाह ‘बालेन’ले नेपालसँग कालापानी र लिपुलेकको प्रमाण भएको बताएका छन् । आइतबार चितवनमा राष्ट्रिय स्वतन्त्र पार्टी (रास्वपा) को महाधिवेशनमा बोल्दै प्रधानमन्त्री बालेनले सो बताएका हुन् ।

‘हामीले सीमाको विषयमा बोल्दा पक्कैपनि जुनसुकै देशसँग सीमाको विषयमा कुरा गर्दा उहाँहरूले पनि आफ्नो आपत्ति जनाउनुहुन्छ, आपत्ति जनाउनुभो मलाई अचम्म लाग्यो, ठिक छ ल तपाईंहरूसँग प्रमाण छ भने ल्याउनुस, हामीसँग त प्रमाण छ, हामीसँग कालापानी लिपुलेकको प्रमाण छ’, उनले भने ।

साथै, प्रधानमन्त्री बालेनले आफूहरूले सीमाको विषयमा ब्रिटिसलाई मध्यस्थताको रूपमा ल्याउन नखोजेको पनि बताए । ‘त्यो प्रमाण लिनलाई पहिला ब्रिटिसले राज गर्दाखेरीको प्रमाण ल्याउनपर्छ भने ल्याउँछौँ भनेका हौँ, हामीले ब्रिटिसलाई मध्यस्थकर्ता राख्न खोजेका होइनौँ’, उनले भने, ‘हामी हाम्रो छिमेकीहरूसँग आफैँ कुरा गरेर मिलाउँछौँ, हामीसँग प्रमाण छ र हामी ल्याउँछौँ ।’