काठमाडौं- प्रतिनिधि सभाका सांसद डा. अमरेशकुमार सिंह चितवनमा आइतबारदेखि सुरू राष्ट्रिय स्वन्त्र पार्टी ( रास्वपा)को पहिलो महाधिवेशनमा उपस्थित भएका छैनन्।

स्रोतका अनुसार आइतबार अपरान्ह ५ बजिसक्दा पनि उनी भतरपुरस्थित महाधिवेशनस्थलमा छिरेका छैनन्।

पछिल्लो समय प्रधानमन्त्री तथा वरिष्ठ नेता वालेन्द्र शाहसँग तीव्र असन्तुष्ट रहेका उनले महाधिवेशनमा सहभागिता नजनाउनुलाई अर्थपूर्ण मानिएको छ।

यसबारेमा जानकारी लिन खोज्दा खबरहबले उनलाई सम्पर्क गरेको थियो । फोन उठाएका उनका एकजना सहयोगीले कार्यव्यस्तताका कारण महाधिवेशनमा जान नसकेको जानकारी दिए ।

‘उहाँ अलिक कार्यव्यस्तताले जान सक्नु भएको छैन । अहिले उहाँ जान लाग्नु भएको छ’, सिंहका सहयोगीले भने, ‘सम्भवत: उहाँ बाटोमा हुनु हुन्छ। बेलुकासम्म पुग्नु हुन्छ होला।’