काठमाडौं- राष्ट्रिय स्वतन्त्र पार्टीको पहिलो महाधिवेशनमा सहभागी हुन विभिन्न दलका नेताहरू चितवन पुगेका छन् । महाधिवेशनमा सहभागी हुन आइतबार दिउँसो पूर्वप्रधानमन्त्री बाबुराम भट्टराई चितवन पुगेका छन् । त्यसैगरी, नेपाली कांग्रेस सभापति गगन थापा पनि पुगेका छन् ।

थापासँगै राष्ट्रिय प्रजातन्त्र पार्टीका अध्यक्ष राजेन्द्र लिङ्देन पनि चितवन पुगेका छन् । नेपाली कम्युनिस्ट पार्टी नेकपाका नेता वर्षमान पुन, जनमत पार्टीका पूर्वअध्यक्ष चन्द्रकन्त राउत सिके लगायतका नेताहरू चितवन पुगेका छन् ।

त्यस्तै, नेकपा एमालेका नेता प्रदीपकुमार ज्ञवाली र जनता समाजवादी पार्टीका अध्यक्ष उपेन्द्र यादव चितवन पुगेका छन् ।

अहिलेसम्म हर्क साम्पाङको श्रम संस्कृति पार्टीबाट भने कुनै नेताहरू पुगेका छैनन् । कुलमान घिसिङको उज्यालो नेपालबाट पनि नेताहरू पुग्ने आँकलन गरिएको छ । हालसम्म उनीहरूमध्ये कोही पनि त्यहाँ पुगेका छैनन् ।