काठमाडौं– नेपालका लागि विभिन्न चार देशका नवनियुक्त राजदूतहरुले राष्ट्रपति रामचन्द्र पौडेलसमक्ष ओहोदाको प्रमाणपत्र पेश गरेका छन् ।

राष्ट्रपति भवन शीतल निवासमा आज आयोजित छुट्टाछुट्टै विशेष समारोहमा एकजनाआवासीय र तीनजना गैरआवासीय राजदूतहरूले आ-आफ्नो ओहोदाको प्रमाणपत्र बुझाएका हुन् ।

नेपालका लागि रुसी महासंघका आवासीय राजदूत अलेक्सेई व्लादिमिरोबिच सुरोवत्सेवसहित गैरआवासीय राजदूतहरू लम्जम्वर्गका क्रिश्चियन बिभर, अस्ट्रियाका डा.रोबर्ट जिस्किचजी र इरानका डा. मोहम्मद फतहलीले ओहोदाको प्रमाणपत्र बुझाएका हुन् ।

राजदूतहरूलाई लाजिम्पाटको होटलदेखि राष्ट्रपति भवनसम्म रिसल्लासहितको बग्गीमा सवार गराइएको थियो ।

समारोहमा नेपाल सरकारका उच्च पदस्थ अधिकारीहरूको पनि उपस्थिति रहेको थियो। राष्ट्रपति कार्यालयले नवनियुक्त राजदूतहरूलाई लाजिम्पाटदेखि राष्ट्रपति भवनसम्म रिसल्लासहित बग्गीमार्फत सवारी गराइएको जनाएको छ।