काठमाडौं– नेकपा एमालेकी सचिव पद्मा अर्यालले पूर्वराष्ट्रपति विद्यादेवी भण्डारीलाई दिइने जिम्मेवारीबारे अहिलेसम्म छलफल नभएको बताएकी छन् । 

बिहीबार काठमाडौंमा सञ्चारकर्मीसंग कुरा गर्दै सचिव अर्यालले सदस्यता जोड्नका लागि यसपटक निवेदन नै प्राप्त भएपछि भण्डारीलाई पार्टी सदस्यता प्रदान गरिएको भन्दै क्रियाशील कसरी गराउने र जिम्मेवारी के दिने भन्नेबारे कुनै छलफल नभएको बताएकी हुन् ।

उनले सर्वोच्च निकायमा पुगेको व्यक्तिलाई पार्टीको अभियानमा नभई विकासको अभियानमा जोड्नुपर्ने तत्कालीन निर्णय भएपनि भण्डारी स्वयंले पार्टीले सदस्यताका लागि निरन्तर माग गरेपछि सदस्यता प्रदान गर्ने निर्णय भएको उल्लेख गरिन् ।

त्यस्तै सचिव अर्यालले बाम एकताका बारेमा विभिन्न ढंगले चर्चा परिचर्चा भएपनि तत्काल एकता हुने कुनै सम्भावना नरहेको बताएकी हुन् । 

बाम एकताका लागि छलफल स्वाभाविक भएको उनको भनाइ छ ।