काठमाडौं – भुटानी शरणर्थीको कथामा बनेको वरिष्ठ कलाकार हरिवंश आचार्य स्टारर फिल्म ‘भुठान’ ओटीटी प्लेटफर्म प्राइम भिडियोमा सार्वजनिक भएको छ ।

फिल्मका निर्माता अवीरल थापाका अनुसार गत जनावरी ९ देखि प्राइमलले उत्तर अमेरिकी क्षेत्रका दर्शले मात्रै हेर्न मिल्ने गरी स्ट्रिमिङ गरेको छ। प्राइममा फिल्मको अंग्रेजी नाम अंग्रेजीमा ‘द वर्ल्ड ह्याप्पिएस्ट’ राखिएको छ ।

बिस्तारै यो फिल्म विश्वभरका दर्शकहरुले हेर्न पाउने गरी सार्वजनिक गरिने काम भइरहेको अर्का निर्माता राजेन्द्र ठकुरीले बताए ।

यो फिल्म नेपालमा गत वैशाखमा प्रदर्शनमा आएको थियो । हरिवंशको अभिनय र फिल्मले समीक्षात्मकरुपमा सकारात्मक प्रतिक्रिया पाएको थियो ।

फिल्ममा दयाहाङ राई, पुजा चन्द, ऋचा घिमिरे, जोएस पाण्डे, अदिती प्याकुरेल, टम क्रेन, बिमल सुबेदीलगायतको अभिनय रहेको छ । फिल्मको लेखक र निर्देशक बिनोद पौडेल हुन् ।