काठमाडौं– राष्ट्रिय स्वतन्त्र पार्टीले महामन्त्री विपिनकुमार आचार्यको संयोजकत्वमा ‘राइट टु रिकल’ समिति गठन गर्ने भएको छ  । 

 शुक्रबार पार्टी कार्यालय चमतिमा बसेको बैठकले यस्तो निर्णय गरेको हो। ११ समिति गठन गर्ने निर्णय भएकोमा आचार्यले अरु नेता थप्ने छन् । 

विधानको व्यवस्थामा राष्ट्रिय स्वतन्त्र पार्टीले आफ्ना  जनप्रतिनिधिलाई फिर्ता बोलाउने व्यवस्था गरेको छ । 

यही व्यवस्था अनुसार महामन्त्रीको संयोजकत्वमा समिति गठन गरिएको हो। 

यो व्यवस्था अन्तर्गत कुनै पनि व्यक्तिको विवाद भएमा अथवा सार्वजनिक प्रश्न उठेमा भूमिकाहरू गम्भीर नभएमा फिर्ता बोलाउने व्यवस्था गरिएको छ तर एकपटकलाई सच्याउने मौका पनि दिइनेछ। 

 यही व्यवस्थामा टेकेर कार्यसम्पादन कमजोर भएका मन्त्रीहरूलाई यस अगाडि पार्टीले सचेत समेत गराइसकेको छ।