काठमाडौँ । पूर्वराजा ज्ञानेन्द्र शाहलाई भेट्न नपाएको भन्दै शितलनिवास अगाडि एक युवाले आत्मदाह प्रयास गरेका छन् ।
रामेछापका २७ वर्षीय विशाल तामाङले आत्मदाह गर्छुभन्दै शरीरमा पेट्रोल खन्याउन खोजेपछि प्रहरीले उनलाई नियन्त्रणमा लिएको थियो । प्रहरीले उनको साथबाट पेट्रोल पनि बरामद गरेको छ ।
रामेछापको दोरम्बा गाउँपालिका १ का तामाङलाई प्रहरीले सम्झाइबुझाइ गरेर छोडिसकेको छ । उनले जोरपाटीको लामा पेट्रोल पम्पबाट पेट्रोल किनेको खुलेको छ ।
उनले पूर्वराजासँग भेट्न पटकपटक प्रयास गरे पनि समय नपाएको प्रहरीलाई बताएका छन् ।
उनी बालाजुको एक बेकरी उद्योगमा काम गर्छन् ।
प्रतिक्रिया