काठमाडौं : नेपालले आईसीसी विश्वकप लिग-२ अन्तर्गत श्रृंखलाको पहिलो खेलमा नामिबियालाई १५८ रनको सामान्य चुनौती दिएको छ।

टस हारेर पहिले ब्याटिङमा उत्रिएको नेपालले कमजोर प्रदर्शन गरेको हो । नेपाल ४६.५ ओभरमा १५७ रनमै अलआउट भयो।

नेपालले सामान्य स्कोर बनाउँदा कप्तान रोहित पौडेलले सर्वाधिक ३१ रनको योगदान दिए । पौडेलले ६० बल खेल्दा बाउन्ड्री कटाउन सकेनन् । उता नेपाली ओपनर आसिफ शेखले १६ रनमात्रै बनाए। अर्का ओपनर कुशल भुर्तेल २ रनमै आउट भए ।

नेपालका भरपर्दा ब्याटर दीपेन्द्रसिंह ऐरी ३० रनमा समेटिए । उनले ५१ बल सामना गर्दै केबल २ चौका हाने । उता सोमपाल कामीले १५ रन जोडे। गुलशन झा २० रन सीमित भए । करण केसीले १८ रनमै आउट भए । अरू ब्याटर फ्लप हुँदा नेपालले सामान्य स्कोर गरेको हो ।

नेपाललाई सस्तैमा रोक्न नामिबियाका जेजे स्मिथले ६ विकेट झारे । ९.५ ओभर बलिङ गरेका उनले १ मेडनसहित २७ रन दिए । उता ज्याक ब्रासेल र बर्नाल्ड स्कोल्ट्जको नाममा २-२ विकेट रह्यो।