काठमाडौं – गायक तगा संगीतकार टंक बुढाथोकीको निर्देशनमा बन्ने फिल्म ‘मन बिनाको धन–२’ नायिका गौरी मल्लको पनि प्रवेश भएको छ ।

फिल्मको शीर्ष नायिकामा पूजा शर्मा यसअघि नै अनुबन्ध भइसकेकी छन् । मल्ल सहायक भूमिकामा प्रवेश भएकी हुन् ।

यस फिल्ममा नायक महेश त्रिपाठी र विपिन कार्कीलगायत दर्जन कलाकार अनुबन्ध भइसकेका छन् ।

निर्माण पक्षले अशोक दर्जीबारे अस्वभाविक मौनता देखाएको छ । किनकि यो फिल्म अशोक शीर्ष भूमिकामा रहेको ‘मन बिना धन’को सिक्वेल हो ।

टंकको संरक्षणमा काठमाडौंमा पढ्दै गायनमा सक्रिय अशोक अहिले झापामा छन् । उनीहरूबीच सम्बन्ध राम्रो छैन । फिल्म रिलिजपछि सम्बन्ध बिग्रिएको हो ।

सोहीकारण पनि टंकले अशोकबारे बोल्न सकेका छैनन् । सहायक कलाकार चयन चरणमा पुग्दा पनि अशोकबारे उनले केही जानकारी दिएका छैनन् ।

फिल्मको छायाङ्कन भदौ पहिलो साताबाट सुरु हुने बताइएको छ ।

टंक बुढाथोकी प्रोडक्सनको ब्यानरमा निर्माण हुने यस फिल्मको कथा उनी आफ्नै हो । शिवम् अधिकारीले पटकथा लेखेका हुन् ।