काठमाडौं – स्पेनले १६ वर्षपछि राष्ट्रिय फुटबल टिमको जर्सीमा अर्को तारा थपेको छ ।

स्पेनले पहिलो विश्कप सन् २०१० मा जितेको थियो । त्यसयताको विश्वकपमा यो टोली निकै कमजोर देखियो । क्वाटरफाइनलमा पनि पुग्न सकेन ।

युवा खेलाडीहरूको टोली स्पेनले अनुभवी टोली र विश्व फुटबलमा दबदबा राखेका खेलाडी सहभागी टोलीलाई हराउँदै विश्व च्याम्पियन बनेको हो ।

विश्व फुटबलमा दुई दशक राज गरेका दुई खेलाडी पोर्चुगलका क्रिस्टियानो रोनाल्डो र अर्जेन्टिनाका लियोन मेसीको टोलीलाई पनि स्पेनले दबाबमा राख्यो र च्याम्पियन बन्यो ।

स्पेनले पोर्चुगललाई राउन्ड अफ १६ मै हरायो । रोनाल्डो त्यहीबाट बिदा भए ।

सेमिफाइनमा स्पेनसँग विश्वकप इतिहासकै सर्वाधिक गोलकर्ता किलियन एम्बाप्पेको टोली फ्रान्स स्तब्ध भयो ।

यो टोली फाइनलमा अर्जेन्टिनासँग भिड्यो । अर्जेन्टिना साबिक विजेता र फर्ममा रहेका अनुभवि खेलाडी मेसीको कप्तानीमा थियो । तर, स्पेनअघि साबिक विजेता टिकेन ।

वर्तमान फुटलबमा चर्चामा रहेका तीन स्टारको बलिया टिमलाई हराएर स्पेन च्याम्पियन बन्यो । यो प्रतिष्ठाको विषय हो ।

अन्ततः १६ वर्षपछि स्पेन दोस्रो पटक विश्व च्याम्पियन बन्यो । फाइनलमा स्पेनका फेरान टोरेसको गोल निर्णायक बन्यो ।

स्पेन लामिन यमाल, पेड्रो पोरो, पाउ कुबार्सी, रोड्रीलगायतका युवा खेलाडी देशलाई च्याम्पियन बनाए ।