काठमाडौं – राष्ट्रिय स्वतन्त्र पार्टी (रास्वपा)को पहिलो महाधिवेशनको लोगोमा पार्टी सभापति रवि लामिछाने र वरिष्ठ नेता बालेन्द्र शाहको फोटो राखिएको छ ।

प्रधानमन्त्री समेत रहेका शाह र पार्टी सभापति लामिछानेको फोटो राखेर उद्घाटन स्थलका विभिन्न ठाउँहरूमा पनि ब्यानरहरू बनाइएको छ ।

महाधिवेशनमा प्रयोग गरिने लोगोमा पनि दुई नेताहरूको तस्बिर राखिएको आयोजक कमिटीले जनाएको छ।

अहिले राष्ट्रिय स्वतन्त्र पार्टीको उद्घाटन स्थल भरतपुरको गेस्टहाउस चौरमा चहलपहल बाक्लिएको छ । त्यहाँ नेता तथा पार्टी सुभेक्षुकहरू नाचगान समेत गरिरहेको देखिन्छ ।

आइतबार १ बजेबाट सुरु हुन लागेको उद्घाटन सत्रमा देशभरबाट नेता कार्यकर्ताको उपस्थित हुने क्रम जारी रहेको महाधिवेशन स्थलबाट पार्टी नेता गणेश पराजुलीले जानकारी दिए।