तेहरान- इरान युद्धको तनावका कारण दुई महिनादेखि फारसको खाडीमा फसेका चीनका दुई सुपरट्यांकर मंगलबार होर्मुज स्ट्रेटबाट बाहिरिएका छन्।

रोयटर्सको रिपोर्ट अनुसार दुवै जहाजमा करिब ४० लाख ब्यारेल कच्चा तेल भरिएको थियो।

शिपिङ डाटा कम्पनी एलएसईजी र क्प्लेरको तथ्यांक अनुसार दुवै जहाज गत करिब दुई महिनादेखि खाडी क्षेत्रमा फसेका थिए।

इरानको दाबी : फेरि युद्ध भए अमेरिकालाई ठूलो सरप्राइज मिल्नेछ

इरानले अमेरिकालाई यदि फेरि युद्ध भए अझै ठूला सरप्राइज मिल्ने बताएको छ। इरानी विदेशमन्त्री सैयद अब्बास अराघचीले यो युद्धबाट इरानले धेरै पाठ र नयाँ जानकारी प्राप्त गरेको बताएका छन्।

अराघचीले इरानी सेनाले पहिलो पटक अमेरिकी एफ-३५ लडाकु विमान खसालेको दाबी गरेका छन्। उनले एक्समा पोस्ट गर्दै युद्ध सुरु भएको धेरै महिनापछि अमेरिकी कांग्रेसले अर्बौं डलर मूल्यका दर्जनौँ विमान गुमाएको स्वीकार गरेको बताए।

अमेरिकी कांग्रेसको एक रिपोर्टमा अमेरिकाले इरानविरुद्ध सैन्य अभियानका क्रममा धेरै विमान गुमाएको वा क्षति भएको दाबी गरिएको छ।

तर अमेरिकाले अहिलेसम्म एफ-३५ खसालिएको दाबीलाई आधिकारिक रूपमा पुष्टि गरेको छैन।