बेइजिङ – चिनियाँ राष्ट्रपति सी चिनफिङ र रुसी राष्ट्रपति भ्लादिमिर पुटिनबीच बेइजिङमा द्विपक्षीय वार्ता सुरु भएको छ । विश्व राजनीतिको परिदृश्य बदलिइरहेका बेला दुई शक्तिशाली मुलुकका नेताहरूबीच भइरहेको यो भेटवार्तालाई निकै चासोका साथ हेरिएको छ ।

बीबीसीका चीन संवाददाता लाउरा बिकर र रुस सम्पादक स्टिभ रोजेनबर्गले यी दुई नेताबीचको सम्बन्धको गम्भीर विश्लेषण गरेका छन् । उनीहरूले विश्वकै ध्यान केन्द्रित गर्ने एउटा मुख्य प्रश्नको उत्तर खोज्ने प्रयास गरेका छन्– “सी र पुटिन वास्तवमै ‘उत्कृष्ट मित्र’ हुन्, या यो केवल भूराजनीतिक स्वार्थको साझेदारी मात्र हो ?”

पछिल्ला वर्षमा चीन र रुसबीचको रणनीतिक साझेदारी निकै बलियो देखिए पनि विश्लेषकले यसलाई पश्चिमा देशहरूविरुद्धको साझा मोर्चा र रणनीतिक स्वार्थको उपजका रूपमा समेत व्याख्या गर्दै आएका छन् । बेइजिङमा जारी यो उच्चस्तरीय भेटवार्ताले दुई देशको आगामी सम्बन्ध र विश्व भू-राजनीतिलाई कुन दिशा दिनेछ भन्नेबारे अहिले बहस चुलिएको छ ।