काठमाडौं – लैङ्गिक विभेद र पुरुषप्रति घृणा फैलाउने फिल्म ‘रमिताको पिरती’ बनाएको भन्दै नायिका आना शर्माविरुद्ध मुद्दा परेको छ ।

उक्त फिल्म प्रदर्शनको स्थागितको माग गर्दै उच्च अदालत पाटनमा अधिवक्ता सृष्टि भट्ट र लक्ष्मी तामाङले फागुन ८ गते मुद्दा दायर गरेका हुन् ।

फिल्ममा प्रयोग भएको संवादमा निवेदक पक्षको विशेष आपत्ति रहेको छ । यो फिल्मले पुरुषहरुप्रति विभेद सिर्जना गरेको उनीहरुको दाबी छ ।

आनाले फिल्ममा बोल्ने संवाद ‘फ* यु मेल’लाई उनीहरुले सामाज भड्काउन सहयोग गर्नेका रुपमा अर्थाएका छन् ।

फिल्मको प्रयोग भएको अर्को ‘तिमी पुरुष सम्बन्धबिच्छेदको कारण मात्र हुने गरेको’ संवादमा पनि उनीहरुको आपत्ति छ ।

चलचित्र बिकास बोर्डलाई पनि निवदेकले विपक्षी बनाएका छन् । राम्रोसँग जाँचबुझ नगरी फिल्म प्रदर्शनको अधिकार दिएको उनीहरुको तर्क छ ।

यो फिल्मको प्रदर्शन स्थगित गर्नेसमेत निवेदकले अदालतसँग आदेश मागेका छन् ।