काठमाडौं – नायक निखिल उप्रेती शीर्ष भूमिकामा रहने फिल्म ‘परास’मा सुशील श्रेष्ठको प्रवेश भएको छ ।
सुशील अर्को शीर्ष भूमिकाका लागि अनुबन्ध भएको निर्माण पक्षले शुक्रबार सार्वजनिक गरेको हो ।
निर्देशक कृषा चौलागाईंले सामाजिक सञ्जाल फेसबुकमा लेखेकी छन्, ‘प्रभावशाली र आकर्षक श्री सुशील श्रेष्ठलाई हार्दिक स्वागत ।’
यसअघि नै फिल्ममा नायिका प्रियंका कार्की र निरुता सिंह अनुबन्ध भइसकेका छन् । यससँगै ‘पारस’मा कलाकारहरुको बलियो आइनअप तयार भएको छ ।
प्रेमकथामा आधारित यस फिल्मलाई भारतीय पटकथाकार सचिन लादियाले लेखेका हुन् ।
चुनाव लगत्तै फिल्मको छायाङ्कन सुरु हुने कृषाले बताइन् ।
प्रतिक्रिया