काठमाडौं- बंगलादेशमा अल्पसङ्ख्यक समुदायमाथि हुने हिंसाका घटनाबारे नयाँ तथ्य सार्वजनिक भएको छ । बंगलादेशका अल्पसङ्ख्यकहरुको मानव अधिकार कंग्रेसले प्रतिवेदन सार्वजनिक गर्दै पछिल्ला सात महिनामा १ सय १६ जना अल्पसङ्ख्यक समुदायका व्यक्तिको हत्या भएको उल्लेख छ ।

सन् २०२५ को जुन ६ देखि यस वर्षको जनवरी ५ सम्मको सात महिनामा बंगलादेशमा १ सय १६ जना अल्पसङ्ख्यक समुदायका व्यक्तिको हत्या भएको प्रतिवेदनमा उल्लेख गरिएको छ ।

अल्पसङ्ख्यक समुदायको व्यक्तिको हत्याका घटना बंगलादेशका सबै ८ डिभिजनका ४५ जिल्लामा भएका छन् । विश्लेषकहरुले यसलाई स्थानीय समस्यामात्रै नभई देशव्यापी संकटको संज्ञा दिएका छन् ।

बंगलादेशले स्वतन्त्रता पाएदेखि नै अल्पसङ्ख्यक समुदायका व्यक्तिमाथि हिंसा हुने गरेको तथ्यांक छ । यसबाट यस्ता हिंसा एउटा पुस्ताबाट अर्को पुस्तामा पुस्तारन्तरण हुने गरेको देखिएको छ ।