काठमाडौं– नेपाली कांग्रेसबाट पाँचथरमा नरेन्द्र कुमार केरुङलाई टिकट दिएको छ। 

कांग्रेसका पूर्वसभापति रहेका केरुङ सभापति गगन थापा पक्षीय नेता हुन्। उनलाई सघाउनका लागि नेपाली कांग्रेसका पूर्व सभापति शेरबहादुर देउवा निकट नेता मानिने भीष्मराज आङ्देम्बे पनि पाँचथर पुगेका छन्। 

देउवाका विश्वासीलाई पात्र मानिने आङ्देम्बेले केरुङको मनोनयन दर्ता गराउन निर्वाचन आयोगमा र्‍यालीसहित गएका छन्।

२०७९ को निर्वाचनमा काङ्ग्रेस नेताहरूकै अन्तर्घातका कारण आङदेम्बे ४६ मतान्तरले नेकपा एमालेका नेता बसन्तकुमार नेम्वाङसँग पराजित भएका थिए। यसपटक समानुपातिकको सूचीमा रहेका आङ्देम्बेले केरुङलाई सघाइरहेका छन्। 

काङ्ग्रेस पाँचथरका विश्वासीलाई स्रोतहरूका अनुसार केरुङले नै २०७९ को निर्वाचनमा आङ्देम्बेलाई हराउन महत्वपूर्ण भूमिका खेलेको दाबी गरिन्छ। 

तर केरुङ भने यो कुरा मान्न तयार छैनन् । २०७९ को निर्वाचनपछि केरुङ र आङदम्बेको सम्बन्ध समेत राम्रो देखिएको थिएन। तर निर्वाचनमा भने नेताहरू एकसाथ देखिएका छन्।