काठमाडौं- जेन-जी अगुवा मिराज ढुंगानाले आफूलाई मध्यरातमा नभई दसैँपछि दिउँसै गिरफ्तार गर्न आग्रह गरेका छन् । आफूलाई समात्ने तयारी भइरहेको खबर पाएको जनाउँदै उनले मध्यराति नभई दिउँसै गिरफ्तार गर्न सरकारलाई आग्रह गरेका हुन् ।

सामाजिक सञ्जालमा स्टाटस लेख्दै आफूलगायतका जेन-जी अभियन्ताहरुलाई पक्राउ गर्ने तयारी भइरहेको खबर प्राप्त भएको जनाएका उनले दिउँसै समात्न सरकारलाई चुनौती दिएका हुन् । ‘म लगायत अरू केही जेनजी साथीहरूलाई मध्यरातमा गिरफ्तार गर्ने खबर आइरहेको रहेछ’, उनले फेसबुकमा लेखेका छन् ।

‘म तेश्रो धुर्व र यो जनबिद्रोह पछी चाहिएको वास्तविक बैकल्पिक शक्तीको वकालत दशैँ पछी गर्छु, गिरफ्तार पनी दिनमा दिउसो परेर दशैँ पछी गर्नुहोला सरकारलाई मेरो आग्रह।’ उनले उल्लेख गरेका छन् ।

‘आजकल देश राती मात्रै बन्दो रहेछ के गर्नु होला !’ उनले समाजिक सञ्जालमा लेखेका छन् ।