काठमाडौँ- सौरभ चौधरीको निर्देशनमा बन्ने फिल्म ‘द राइज अफ साम्राज्य’ मा एकपछि अर्को गरी स्टार नायकहरू अनुबन्ध भएका छन् ।

पछिल्लो समय फिल्ममा नायक विजय बराल अनुबन्ध भएको जानकारी निर्माण पक्षले दिएको छ ।

यसअघि नै फिल्ममा नायकहरू सौगात मल्ल, दयाहाङ राई र नाजिर हुनेस अनुबन्ध भइसकेका छन् । विजयकाे प्रवेशले कलाकारहरूको लाइनअफ थप बलियो बनेको छ ।

डार्क हर्स इन्टरटेन्मेन्टको ब्यानरमा निर्माण हुन लागेको यो फिल्म मल्टिस्टार बन्ने यो लाइनअफ पुष्टि गरेको छ ।

यो फिल्ममा उपन्यासकार बुद्धिसागरले कथा र पटकथा लेखेका छन् ।

निर्देशक सौरभ ‘द राइज अफ साम्राज्य’ ठूलो स्केलको एक्सन फिल्म बनाउने योजनामा छन् । आगामी साताबाट छायाङ्कन सुरु हुने उनले बताए । ७० दिनमा फिल्मको सुटिङ सक्ने उनको योजना छ ।