काठमाडौं– भ्रष्टाचार आरोपमा पक्राउ परेका राहदानी विभागका महानिर्देशक तीर्थराज अर्यालसहित चारजनालाई दोस्रो पटक पाँच दिन म्याद थपिएको छ।

गत असार २ मा पक्राउ अर्यालसहित चार जनालाई अख्तियारले विशेष अदालतमा दोस्रो पटक ५ दिनको म्याद लिएको हो । विशेषका न्यायाधीशद्वय नारायण प्रसाद पौडेल र उमेश कोइरालाको इजलासबाट म्याद थप भएको हो ।

राहदानी खरिद प्रकरणको अनुसन्धानको सिलसिलामा अर्यालसहित ठेकेदाहरूलाई पनि प्रधानमन्त्रीको कार्यालयको दबाबमा अख्तियारले पक्राउ गरेको थियो ।

विशेष अदालत प्रशासन शाखाका अनुसार राहादानी छपाईसम्बन्धी कार्यमा अनियमितता गरेको भन्ने कसूरमा अनुसन्धानको क्रममा पक्राउ परेका प्रतिवादीहरू तीर्थराज अर्याल, सुनिल कुमार केसी, तुल्सीप्रसाद आचार्य र मणिन्द्र मल्ललाई दोस्रो पटक पाँच दिन म्याद थप भएको हो ।

अख्तियारले असार जर्मन कम्पनी मुहलबाउरका नेपाली प्रतिनिधि मनिन्द्रराज मल्ल र राहदानी विभागका तत्कालीन लेखा अधिकृत तुलसीप्रसाद आचार्यलाई पक्राउ गरेको थियो । उनीहरूविरुद्ध पहिलो पटक अनुसन्धानका लागि अदालतबाट तीन दिनको म्याद लिइएको थियो ।