काठमाडौं– राष्ट्रिय स्वतन्त्र पार्टीकी सांसद रन्जु दर्सनाले पदाधिकारीमा दाबी गरेकी छन् । पार्टीको पहिलो महाधिवेशनमा दर्शनाले पदाधिकारीमा दाबी गरेको कुरा संसद् सचिवालय बाहिर पत्रकारहरूसँग जानकारी गराइन् । 

यस अगाडि उनलाई पार्टीले पदाधिकारीमा उठ्नु भन्दा पनि उनले आनाकानी गरेकी थिइन् । तर विवेकशील साझाबाट आएकी पार्टी अध्यक्ष समीक्षा बास्कोटा पदाधिकारीमा नआउने भएपछि त्यस बेलाकी महामन्त्री रन्जुलाई पदाधिकारीमा ल्याउन राष्ट्रिय स्वतन्त्र पार्टीले तयारी थालेको छ । 

रन्जुलाई पदाधिकारीमा ल्याउँदा सहमहामन्त्री या सहप्रवक्ताको जिम्मेवारी दिइने तयारी पार्टीले गरेको स्रोत बताउँछ । 

राष्ट्रिय स्वतन्त्र पार्टीले अहिलेको कोषाध्यक्ष लिमा अधिकारीलाई उपसभापति बनाएको खण्डमा रन्जु सहममन्त्री या कोषाध्यक्ष बन्ने सम्भावना पनि उत्तिकै रहेको बताइन्छ ।

राष्ट्रिय स्वतन्त्र पार्टी पनि रञ्जुलाई पदाधिकारीमा ल्याउन सकारात्मक देखिन्छ ।