काठमाडौं- धवल शमशेर जबरा नयाँ पार्टी खोल्न गएयता राष्ट्रिय प्रजातन्त्र पार्टी (राप्रपा) मा देखिएको कलह थामिएको छ।

अध्यक्ष राजेन्द्र लिङ्देनसँग असन्तुष्टि उनले पार्टी छाडेर दुर्गा प्रसाईंसँग गला मिलएका छन् । गत फागुन २१ को चुनावमा निराशाजनक नतिजापछि वरिष्ठ नेता रवीन्द्र मिश्र पनि राजनीतिबाट अलग भएर बसेका छन्।

यस्तोमा शुक्रबार काठमाडौंमा बसेको राप्रपा केन्द्रीय समिति बैठकलाई तीनजना पूर्वअध्यक्षसहितका नेताले बहिष्कार गरेका छन् ।

धुम्बाराहीस्थित सूर्य क्याटरिङमा बसिरहेको यस बैठकमा पार्टीको एउटा पंक्तिका नेताहरू उपस्थित छैनन् । उनीहरूले बैठक बहिष्कार गरेपछि राप्रपाको कलह झन् छरपस्ट भएको हो ।

पूर्वअध्यक्षत्रय पशुपति शमशेर जबरा, डा. प्रकाशचन्द्र लोहनी र कमल थापासहित उपाध्यक्ष विक्रम पाण्डे, महामन्त्री कुन्ति शाहीले बैठक बहिष्का गरेका हुन्।

उता कार्यसम्पादन समिति सदस्य अर्जुन राई, हरिबहादुर बस्नेत, सहायक प्रवक्ता प्रवीण थोकर, सहायक महामन्त्री प्रेमबहादुर रैयार, सहायक महामन्त्री ऋषि देवकोटा, सह-महामन्त्री रीना गुरुङलगायत केन्द्रीय सदस्यहरू लगायतले बैठक बहिष्कार गरेका हुन् ।

उनीहरूले केन्द्रीय समिति सदस्यहरूबाहेक अरू व्यक्तिलाई पनि बैठकमा सहभागी गराइएको भन्दै बहिष्कार गर्नुपरेको बताएका छन्।