काठमाडौँ – सरकारले मन्त्रिपरिषद् बैठकका पछिल्ला निर्णयहरू शुक्रबार सार्वजनिक गर्ने भएको छ । शिक्षा तथा खेलकुद मन्त्री एवम् सरकारका प्रवक्ता सस्मित पोखरेलले एक सूचना जारी गर्दै निर्णय सार्वजनिक गर्न पत्रकार सम्मेलन आह्वान गरिएको जानकारी दिएका हुन् ।
प्रवक्ता पोखरेलका अनुसार पत्रकार सम्मेलन बिहान १० बजे सिंहदरबारस्थित शिक्षा, विज्ञान तथा प्रविधि मन्त्रालयको सभाहलमा आयोजना गरिएको छ ।
मन्त्रिपरिषद्ले गरेका महत्त्वपूर्ण नीतिगत तथा प्रशासनिक निर्णयहरू सञ्चारमाध्यममार्फत आम सर्वसाधारणलाई जानकारी गराउन प्रवक्ता पोखरेलले सम्पूर्ण पत्रकार तथा सञ्चारकर्मीहरूलाई उपस्थितिका लागि अनुरोध गरेका छन् ।
प्रतिक्रिया