काठमाडौं । क्रिस्टियानो रोनाल्डोलाई समेट्दै फिफा विश्वकपका लागि पोर्चुगलको टोली घोषणा गरिएको छ । यससँगै उनले कीर्तिमानी छैटौँपटक विश्वकप खेल्ने भएका छन् ।

रोनाल्डोले सन् २००६ यताका विश्वकपमा सहभागिता जनाएका छन् । रोनाल्डो लगातार पाँच विश्वकपमा गोल गर्ने एक मात्र खेलाडी हुन् ।

फिफा विश्वकप जुन १२ देखि जुलाई १९ सम्म अमेरिका, क्यानडा र मेक्सिकोमा हुँदैछ । समूह ‘के’मा पोर्चुगल कोलम्बिया, उज्वेकिस्तान र कंगो छन् ।

पोर्चुगलले जुन १७ मा कंगोसँग खेल्दै विश्वकपको सुरुआत गर्नेछ । टोलीले जुन २३ मा उज्वेकिस्तान र जुन २७ मा कोलम्बियाको सामना गर्नेछ ।

पोचुगिज टोली :
गोलकिपर : डियोगो कोस्टा, जोसे सा, रुई सिल्वा, रिकार्डो भेल्हो

डिफेन्डर : डियागो डालोट, म्याथ्युस नुनेज, नेल्सन सेमेडो , जोआओ कान्सेलो, नुनो मेन्डिस, गोन्सालो इनासियो, रेनाटो भेइगा, रुबेन डियाज, थोमस अराउजो

मिडफिल्ड : रुबेन नेभेस, स्यामुएल कोस्टा, जोआओ नेभेस, भिटिन्हा, ब्रुनो फर्नान्डेस, बर्नार्डो सिल्भा,

फारवार्ड : क्रिस्टियानो रोनाल्डो, जोआओ फेलिक्स, गोन्सालो रामोस, ट्रिन्काओ, फ्रान्सिस्को कोन्सेइकाओ, पेड्रो नेटो, राफेल लियो, गोन्सालो गुडेस