काठमाडौं– सरकारले विज्ञापनमा रोक लगाएको मदिरा र सुर्तीजन्य वस्तुको विज्ञापनमा कम्पनीहरूले ४७ करोड बढी रकम खर्च गरेका छन् ।
महालेखापरीक्षकको कार्यालयको ६३औँ प्रतिवेदनले विभिन्न १३ वटा कम्पनीले अघिल्लो आर्थिक वर्ष ०८०÷८१ मा ४७ करोड ६८ लाख ३८ हजार खर्च दाबी गरेको औँल्याएको हो ।
कार्यालयका अनुसार ती कम्पनीले बजार प्रवर्धन, प्रायोजन, अनुसन्धान, ब्राण्ड विकास तथा प्रवर्धन नामका अन्य शीर्षकमा समेत ७ अर्ब ५१ करोड ११ लाख १७ हजार रुपैयाँ खर्च गरेका छन् ।
महालेखाले कानुनले निषेध गरेको क्षेत्रमा गरेको खर्चलाई कट्टी गर्न दिने व्यवस्थामा तादाम्यता मिलाउनुपर्ने औँल्याएको छ ।
प्रतिक्रिया