काठमाडौं– जावलाखेल यूथ क्लब पोखरामा जारी २५औं आहा रारा पोखरा गोल्डकपको फाइनलमा प्रवेश गरेको छ ।
पोखरा रंगशालामा बिहीबार भएको अन्तिम सेमिफाइनलमा आभा फुटवल क्लब उज्वेकिस्तानलाई हराउँदै जावलाखेलले फाइनलमा स्थान बनाएको हो ।
खेलमा आभा फुटवल क्लब उज्वेकिस्तान लाई १—० गोल अन्तरले पराजित गर्दै जावलाखेल यूथक्लब फाइनलमा प्रवेश गरेको हो ।
यससँगै आयोजक सहारा क्लब र जावलाखेल शनिवार पोखरा गोल्डकपको फाइनलमा भिड्ने भएका छन् ।
सहारा क्लबको आयोजनामा माघ २७ गतेबाट सुरु भएको गोल्डकपमा १२ टोलीले सहभागिता जनाएका थिए , गोल्डकपको विजेताले १४ लाख र उपविजेताले ७ लाख १ हजार रुपैयाँ पाउनेछन् ।
प्रतिक्रिया