काठमाडौं- नेपाली कांग्रेसले तनहुँ–१ मा शंकर भण्डारीलाई उमेदवार बनाएको छ । यसअघि तनहुँ–२ बाट निर्वाचित भएका भण्डारीलाई कांग्रेसले क्षेत्र नम्बर १ मा सारेको हो ।

तनहुँ–१ मा घर भएका भण्डारी लामो समयदेखि त्यही क्षेत्रमा चुनाव लड्न दाबी गर्दै आएका थिए । यसअघि भएको उपचुनावमा रास्वपाका उपसभापति डा. स्वर्णिम वाग्लेसँग पराजित भएका गोविन्द भट्टराईलाई कांग्रेसले तनहुँ–२ मा उमेदवार बनाएको छ ।

केन्द्रीय सदस्य भण्डारी कांग्रेसभित्र हिन्दु राष्ट्र अभियान चलाइरहेका व्यक्ति हुन् । लामो समयदेखि वर्तमान राष्ट्रपति रामचन्द्र पौडेल लड्दै आएको तनहुँ–१ मा पौडेल राष्ट्रपति भएपछि कांग्रेसका दोस्रो तहका नेताहरूले प्रतिस्पर्धा गर्न पाएका हुन् ।