काठमाडौं- पूर्वऊर्जामन्त्री एवम् नेपाली कांग्रेसका नेता दीपक खड्काले आगामी चुनाव नलड्ने घोषणा गरेका छन् । सामाजिक सञ्जालमा पोस्ट गर्दै पूर्वमन्त्री खड्काले यस निर्वाचनमा आफ्नो तर्फबाट उम्मेदवारीको कुनै दाबी नरहने जनाएका छन् । उनले आफू उम्मेदवारको रूपमा निर्वाचनमा सहभागी नहुने निर्णय गरेको पनि जनाए ।

सामाजिक सञ्जालमा उनले भनेका छन्, ‘…म सम्पूर्णमा स्पष्ट जानकारी गराउन चाहन्छु कि यस पटकको निर्वाचनमा मेरो तर्फबाट उम्मेदवारीको कुनै दाबी रहने छैन, अर्थात् म उम्मेदवारको रूपमा निर्वाचनमा सहभागी नहुने निर्णय गरेको छु ।’

यसका साथै उनले हिमाली जिल्लाहरूमा पार्टीले टिकट वितरण टुंगिएको भन्ने चर्चा चलिरहँदा संखुवासभा जिल्लामा भने आज साँझ करिब ७ बज्न लाग्दासम्म पनि कसैको नाम औपचारिक रूपमा अनुमोदन नभएको जानकारी प्राप्त भएको जनाएका छन् ।

आफ्नो पोस्टमा उनले ‘सत्यको कुनै रङ हुँदैन, इमानदारीताको कुनै जात र धर्म हुँदैन, निष्ठाको कुनै मूल्य हुँदैन, नैतिकताको कुनै सीमा हुँदै’ पनि उल्लेख गरेका छन् ।