काठमाडौँ – स्पेनका कप्तान तथा विश्वकपका उत्कृष्ट खेलाडी रोड्री (रोड्रिगो हर्नान्डेज) आधिकारिक रूपमा बार्सिलोनामा अनुबन्धित भएका छन्। ३० वर्षीय प्रभावशाली मिडफिल्डर रोड्री म्यानचेस्टर सिटीबाट क्याटालन क्लब बार्सिलोना पुगेका हुन्।

बार्सिलोनाका अनुसार रोड्रीसँग सन् २०३० सम्मका लागि सम्झौता गरिएको छ। स्वास्थ्य परीक्षण र दुवै क्लबबीच स्थानान्तरणको अन्तिम प्रक्रिया पूरा भएपछि यो सरुवाको औपचारिक घोषणा गरिएको हो। बार्सिलोनाले उनलाई ७ करोड ६५ लाख युरो (करिब ८ करोड ८५ लाख अमेरिकी डलर) मा अनुबन्ध गर्न सहमति जनाएको छ।

म्यानचेस्टर सिटीसँग अझै एक वर्षको सम्झौता बाँकी रहेकै अवस्थामा बार्सिलोना फर्किएका रोड्रीले आफ्नो प्रतिक्रिया दिँदै बार्सिलोनाबाट खेल्नु आफ्नो ‘सपना’ रहेको बताए। “बार्सिलोना आउन पाउँदा म निकै खुसी छु, यो मेरा लागि एउटा सपना हो,” उनले भने। अब मैदानमा उत्रिएर आफ्नो उत्कृष्ट प्रदर्शन दिने समय आएको छ।”

ला लिगाको लगातार तेस्रो उपाधि जित्ने लक्ष्यमा रहेको बार्सिलोनाले यसअघि इङ्गल्यान्डका फर्वाड एन्थोनी गोर्डनलाई पनि टोलीमा भित्र्याइसकेको छ।