काठमाडौं- विकल्प नदिई उठिबास नलगाउन माग गर्दै मोरङका भूमिहीन सुकुम्वासीहरूले विराटनगरमा विरोध प्रदर्शन गरेका छन् ।

विराटनगर स्थित संसारी माइस्थानबाट शुरु भएको विरोध र्‍यालीले नगरको विभिन्न भागको परिक्रमा पछि जिल्ला प्रशासन कार्यालय मोरङ अगाडि पुगेर धर्नामा दिइएको थियो । 

भूमिहीन सुकुम्वासी संयुक्त संघर्ष समिति मोरङको आव्हानमा मोरङका विभिन्न पालिकाबाट जम्मा भएका सुकुम्वासीहरूले डोजर आतंकबन्द गर, विकल्प नदिई उठिबास लगाउन पाइँदैन जस्ता नारा लगाएका थिए ।

धर्ना कार्यक्रममा सहभागीहरूले सुकुम्वासीहरूलाई बसोबासको व्यवस्था गर्नु सरकारको जिम्मेवारी र दायित्व भएको बताएका थिए ।

उनीहरूले डोजर आतंक बन्द गर्न आग्रह गर्दै अव्यवस्थित बसोबासीहरुलाई पनि उचित बसोबासको व्यवस्था मिलाउन माग गरेका थिए ।