काठमाडौं- नेपाली कांग्रेका सांसद अभिषेकप्रताप साहले तत्कालीन गृहमन्त्री सुधन गुरुङले सार्वजनिक गरेको सम्पत्ति विवरण शंकास्पद रहेको बताएका छन्।

सोमबार बसेको प्रतिनिधि सभाको बैठकको आकष्मिक समयमा बोल्दै साहले गृहमन्त्री हुँदा सुधनले सार्वजनिक गरेको सम्पत्ति विवरण कयौँ प्रश्न गर्ने ठाउँ रहेको भन्दै छानबिन गर्न माग गरेका हुन् ।

प्रधानमन्त्री वालेन्द्र शाहले पनि सुधनलाई चोख्याउने गरी छानबिनको नाटक गरेको बताउँदै साहले यस्ता शंकास्पद सम्पत्ति भएका व्यक्तिबारे सरकार ढाकछोपमा लाग्न नहुने उनले उल्लेख गरे।

‘तत्कालीन गृहमन्त्री सुधन गुरुङले सार्वजनिक गरेको सम्पत्ति शंकास्पद छ । उनको सम्पत्तिको निष्पक्ष छानबिन गरेर सार्वजनिक गरिनुपर्छ’, उनले भने, ‘राज्यले पर्याप्त छानबिन गरेर कारबाहीको दायरामा ल्याउन सक्नुपर्छ।’