किएभ – युक्रेनको किएभको एक आवासीय जिल्लामा शनिबार भएको गोलीकाण्डमा कम्तीमा पाँच जनाको मृत्यु भएको छ।

युक्रेनका राष्ट्रपति भोलोदिमिर जेलेन्स्कीले घटनाको पुष्टि गरेको । साथै उनले घटनामा परी ज्यान गुमाएका व्यक्तिका आफन्तजनप्रति समवेदना व्यक्त गरेका छन् ।

राष्ट्रपति जेलेन्स्कीले सामाजिक सञ्जाल एक्समा पिडितका परिवारजनमा समवेदना व्यक्त गर्दै लेखेका छन्, ‘राजधानी नजिकै दुःखद् घटना भएको छ । घटनामा अहिलेसम्म पाँच जनाको मृत्यु भएको पुष्टि भएको छ। परिवार र प्रियजनहरूप्रति मेरो समवेदना छ।’

घटनामा अन्य घाइते भएका अन्य दस जना अस्पतालमा भर्ना भएका उनले बताए । जेलेन्स्कीले गोलीकाण्डको तत्काल अनुसन्धान गर्न निर्देशन दिँदै घटनाबारे सबै वास्तविकता पत्ता लागिसकेको बताएका छन् ।