काठमाडौं– विश्व सम्पदा दिवसको अवसरमा महागौरी (पार्वती) देवीको ऐतिहासिक मूर्ति मरू क्षेत्रमा पुनर्स्थापना गरिने भएको छ ।
२०५२ सालमा बेलायतबाट नेपाल फर्काइएको उक्त मूर्ति लामो समयदेखि राष्ट्रिय सङ्ग्रहालय, छाउनीमा राखिएको थियो । अब यसलाई पुनः मूल स्थान मरूमा स्थापना गर्न लागिएको हो ।
राष्ट्रिय सङ्ग्रहालयकी प्रमुख अरुणा अकर्मीको रोहवरमा काठमाडौं महानगरपालिका का कार्यवाहक मेयर सुनिता डंगोल लगायतले उक्त मूर्ति बुझेका हुन् ।
महानगरपालिकाका अनुसार मूर्तिलाई बाजागाजा सहित मरूमा प्रतिस्थापन गरिनेछ । यस कदमलाई सांस्कृतिक सम्पदाको संरक्षण र पुनर्जीवनसँग जोडेर हेरिएको छ ।
प्रतिक्रिया