काठमाडौं– नेकपा (एमाले)का नेता विष्णु पौडेलले अहिलेको समयमा वामपन्थी एकताको चर्चा असान्दर्भिक रहेकाे बताएका छन् ।

पौडेललेले वर्तमान यथार्थबाट ध्यान मोड्ने गरी ‘पर्दा भित्रबाट’ वामपन्थी एकताको असान्दर्भिक चर्चा भइरहेको उल्लेख गर्दै यस्तो विषय कसले र किन अघि बढाइरहेको हो भन्ने प्रश्नसमेत उठाएका छन्।

शनिबार सामाजिक सञ्जालमा लेख्दै उनले पार्टीको प्रतिनिधिसभा निर्वाचन परिणामप्रति गम्भीर समीक्षा र पुनर्गठन आजको प्राथमिक कार्यसूची भएको बताए ।

उनले एमालेका लागि निर्वाचनमा भएको चिन्ताजनक पराजयको गम्भीर समीक्षा गर्नुपर्नेमा जोड दिँदै पार्टी पुनर्गठनलाई मुख्य एजेन्डा बनाउनुपर्ने धारणा व्यक्त गरेका हुन्।

उनले भनेका छन्, ‘नेकपा (एमाले) का लागि निर्वाचनमा भएको चिन्ताजनक पराजयको गम्भीर समीक्षा र पार्टीको पुनर्गठन आजको प्राथमिक कार्यसूची हो । यस यथार्थबाट अन्यत्र ध्यान मोड्ने गरी पर्दा भित्रबाट वामपन्थी एकताको असान्दर्भिक चर्चा कसले, किन चलाइरहेका हुन् ?’