मान्म– यहाँको महावै गाउँपालिकाले एसईई दिएर बसेका विद्यार्थीलाई शैक्षिक परामर्श दिएको छ । 

उनीहरूको भविष्य मार्गदर्शन गर्ने किसिमको शैक्षिक परामर्श गाउँपालिकाले दिएको हो । एसईई दिएर बसेका विद्यार्थीले आगामी दिनमा कसरी अगाडि बढ्ने, कहाँ–के पढ्ने रु भन्नेबारे परामर्श दिएको गाउँपालिकाले जनाएको छ । 

एसईई दिएका विद्यार्थी, तिनका अभिभावक र शिक्षकलाई साथै राखेर परामर्श दिइएको गााउँपालिका अध्यक्ष खेमबहादुर सिंहले बताए। 

‘बालबालिकालाई उचित मार्गदर्शन गर्नसके सही बाटो रोज्न सक्छन्’, उनले भने, ‘विद्यार्थी, शिक्षक र अभिभावक र सरोकारवालाबीच अनुभव साटासाट महत्त्वपूर्ण भएको छ ।’ 

बालबालिकाको रुचि, चाहना, भविष्यको लक्ष्य, उचित विकल्पबारे विद्यार्थीसँग छलफल गरिएको मनोविमर्शकर्ता खडानन्द चौलागाइँले बताए।