काठमाडौं– राष्ट्रिय स्वतन्त्र पार्टी (रास्वपा) का वरिष्ठ नेता बालेन शाहले बडिमालिका स्वीजरल्याड भन्दा बढी सौन्दर्यताले भरिपूर्ण रहेको बताएका छन् । 

बुधबार धनगढीमा आयोजित चुनावी सभालाई सम्बोधन गर्दै  उनले नेपाललाई स्वीजरल्याड बनाउँछु भन्ने प्रचण्डलाई व्यङ्ग्य गर्दै उक्त कुरा भनेका हुन् । 

‘मान्छेले देशलाई स्वीजरल्याड बनाउनुपर्छ भन्छन्, स्वीजरल्याडको बाउ बढीमालिका यहीँ छ किन बनाउनुपर्‍यो स्वीजरल्याड, स्वीजरल्याडको पराकाष्ट रामारोसन यहीँ छ किन बनाउनुपर्‍यो स्वीजरल्याड, खप्तड नेशनल पार्क यहीँ छ किन बनाउनुर्‍यो स्वीजरल्याड?,’ भन्दै उनले प्रश्न समेत गरे । 

नेपालीलाई उनले माल भएर पनि चाल नभएको भने ।  ‘आफ्नै देशमा भएका सुन्दरता देखाउन नसक्नेले स्वीजरल्याड बनाउने भनेर मात्रै हुँदैन, सुदुरपश्चिमलाई जोड्नै सकेको छैन, यहाँ यति धेरै कलाकार हुनुहुँदो रहेछ, जुन दिन उहाँहरूका गीत काठमाडौंको चोकचोकमा गुन्जिन्छ अनि बल्ल जोडिन्छ सुदूरपश्चिम काठमाडौंसंग,’ दाबीका साथ उनले थपे ।