जनकपुरधाम – राष्ट्रिय स्वतन्त्र पार्टी (रास्वपा) का वरिष्ठ नेता बालेन्द्र शाह (बालेन) र पूर्वयुवराज पारस शाह जनकपुरमा एउटै होटलमा बसेका छन् । आइतबार साँझ जनकपुरधाम पुगेका बालेन र पूर्वयुवराज शाह ‘मिथिला यात्री निवास’ मा बसेका हुन् ।

बालेन सोमबार जनकपुरमा आयोजना हुने रास्वपाको ‘परिवर्तन उद्घोष सभा’ मा सहभागी हुन हवाइजहाजमार्फत जनकपुर आइपुगेका हुन्।

त्यही होटलमा पूर्वयुवराज पारससँगै पूर्वयुवराज्ञी हिमानी शाह पनि रहेको बताइएको छ। उनीहरू विराटनगर हुँदै जनकपुर आएको बुझिएको छ।

एकातिर समसामयिक राजनीतिमा उदाउँदै गरेका नेता, अर्कातिर पूर्व राजपरिवारका सदस्य—एउटै होटलमा देखिनुले जनकपुरको राजनीतिक र सामाजिक वृत्तमा अनेक अड्कल र चासो जन्माएको छ।