धरान- हर्क साम्पाङ नेतृत्वको श्रम संस्कृति पार्टीबाट झापा क्षेत्र नम्बर ५ का उम्मेदवार समीर तामाङले धरानदेखि दमकसम्म खाली खुट्टा पैदल यात्रा सुरु गरेका छन।

श्रम संस्कृति पार्टीले झापा क्षेत्र नं. ५ का लागि उम्मेदवार बनाइएका तामाङले आइतबारदेखि पैदल यात्रा थालेका हुन् । उनले धरानदेखि दमकसम्मको ८५ किलोमिटर यात्रा खाली खुट्टै छिचोल्न लागेका हुन् ।

एमाले अध्यक्ष केपी शर्मा ओली लड्‌दै आएको यहाँ राष्ट्रिय स्वतन्त्र पार्टी (रास्वपा) वरिष्ठ नेता बालेन्द्र साह पनि उम्मेदवार हुँद आउँदैछन् ।

यस्तोमा दुवैलाई हराउने दाबीसहित श्रम संस्कृति पार्टीका तामाङ सुरिएका हुन् । अध्यक्ष हर्क साम्पाङले पार्टीका सह-महासचिव तामाङले बालेनलाई हराउन सक्ने बताए ।

‘म सुनसरीबाटै चुनाव लड्दैछु, ओली र बालेन्द्रलाई हराउन समिर तामाङ काफी छन्,’ साम्पाङले भने, ‘धरान उपमहानगरमा राजीनामा दिएलगत्तै म झापा-५ गएर माटोका लागि मत माग्नेछु।’

आफूले भाषण गरेलगत्तै माहोल आफूहरूको पक्षमा आउनेसमेत उनले बताए। धरानमा एक्लै चुनाव प्रचार गरेर जितेको बताउँदै उनले झापा-५ मा पनि जित हुने जिकिर गरे ।