काठमाडौं– बलिउडमा फेरि फिल्म ‘डन ३’ को चर्चा तातिरहेको छ । भारतीय सञ्चारमाध्यमका अनुसार, बलिउडका किङ्ग शाहरुख खान आफ्नो आइकनिक पात्र ‘डन’ मा फिर्ता आउन इच्छुक छन् ।

तर, शाहरुखले फिल्म खेल्ने निर्णय गर्नुअघि एउटा महत्त्वपूर्ण सर्त राखेका छन् । उनी चाहन्छन् कि फिल्मको निर्देशनमा दक्षिण भारतीय चर्चित निर्देशक एट्लीको समेत सहभागिता होस् ।

शाहरुख र एट्लीले पहिले ‘जवान’ फिल्ममा सँगै काम गरिसकेका छन्, जुन बक्स अफिसमा ब्लकबस्टर साबित भएको थियो । शाहरुखको विचारमा एट्लीको व्यावसायिक सिनेमा अनुभव र जनप्रिय फिल्म बनाउने क्षमता ‘डन’ फ्रेन्चाइजलाई नयाँ स्तरमा पुर्‍याउन सहयोग गर्न सक्छ ।

निर्देशक फरहान अख्तर विगत तीन वर्षदेखि ‘डन ३’ मा काम गरिरहेका छन् । तर मुख्य कलाकारको छनोटले फिल्मलाई बारम्बार अल्झाइरहेको छ । 

सुरुमा अभिनेता रणवीर सिंह मुख्य भूमिकामा कास्ट थिए, तर पछि उनले अफर छोडे । रणवीरले आफ्नो पछिल्लो फिल्म ‘धुरन्धर’ को सफलतापछि ग्याङ्स्टर भूमिकामा काम नगर्ने निर्णय लिएका थिए । 

अभिनेता रणवीर बाहिरिएपछि निर्माता ऋतिक रोशन लाई प्रस्ताव गरियो, तर ‘कृष–४’ र अन्य ठूला प्यान-इन्डिया प्रोजेक्टका कारण उनले पनि समय निकाल्न सकेनन् ।

यसरी, कास्टिङको यो उथलपुथलले फ्यानहरूको उत्सुकता अझै बढाएको छ । सबैको ध्यान अब ‘डन ३’ को आधिकारिक घोषणा र मुख्य कलाकारमा केन्द्रित छ ।

किङ्ग खान शाहरुख खानको फिर्ता, एट्लीको निर्देशन, र फिल्ममा नयाँ धमाकेदार ट्विस्ट—यी सबैले फ्यानहरूलाई उत्साहित बनाएको छ । बलिउड प्रेमीहरू ‘डन ३’ मा को मुख्य भूमिका खेल्ने हो भन्ने कुरामा उत्सुकता साथ पर्खिरहेका छन् ।