काठमाडौं- अचानक नेपाली कांग्रेसमा देखिएको संकटका कारण समस्या परेको डा. शेखर कोइराला समूहको अलग्गै भेला काठमाडौंको बत्तीसपुतलीमा सुरू भएको छ।

विशेष महाधिवेशनमार्फत् नेपाली कांग्रेसको नेतृत्व गगनकुमार थापा र विश्वप्रकाश शर्माले लिएसँगै नेता कोइराला यता न उता भएका छन् ।

यो अवस्थामा उनले शुक्रबारदेखि आधिकारिकता गुमाएका निवर्तमान सभापति देउवालाई पनि साथ नदिने नीति लिएका छन् ।

सकेसम्म आधिकारिकता पाएको गगन थापा पक्षसँग मिलेर फागुन २१ को चुनाव लड्ने तयारीमा रहेको यो समूहलले अनुपम फुडल्यान्डमा सम्भावित रणनीति बनाउँदैछ ।

फागुन २१ को चुनावका लागि माघ ६ गते उम्मेदवारी दर्ताको समय आइसक्दा कोइराला पक्ष जुटेको हो । उता निवर्तमा सभापति देउवा पक्षले आइतबार सर्वोच्च अदालतमा रिट हालेको छ ।

उक्त रिटमाथि मंगलरबार सुनुवाइ गर्ने गरी सर्वोच्च अदालतले पेशी तोकेको छ ।

मंगलबार सुनुवाइ हुने दिन नै निर्वाचन आयोगमा पनि प्रत्यक्षतर्फका उम्मेदवारको मनोनयन हुँदैछ । यस्तोमा शेखर पक्षले गगनहरूसँग मिलेर अघि बढ्ने गरी रणनीति तय गर्ने सम्भावना छ ।