सुनकोशीमा जिप खस्दा तीन जनाको मृत्यु, तीन बेपत्ता र चार घाइते

१ कार्तिक २०८३, आइतबार

पढ्न लाग्ने समय : < 1 मिनेट

काठमाडौँ– सिन्धुलीको फिक्कल–६ नागथानमा काठमाडौँबाट खोटाङतर्फ जाँदै गरेको को १ ज २९७६ नम्बरको जिप सुनकोशी नदीमा खस्दा तीन जनाको मृत्यु भएको छ।

आइतबार बिहान मध्यपहाडी लोकमार्गबाट जिप सुनकोशीमा खस्दा तीन महिलाको घटनास्थलमै मृत्यु भएको हो।

दुर्घटनामा चालकसहित चार जना घाइते भएका छन् भने तीन जना बेपत्ता छन्। घाइतेहरूको सिन्धुली जिल्ला अस्पतालमा उपचार भइरहेको छ।

बेपत्ताहरूको खोजीका लागि गोताखोरसहितको प्रहरी टोली खटिएको छ। दुर्घटनाको कारण खुल्न बाँकी छ।

प्रकाशित मिति : १ कार्तिक २०८३, आइतबार ७ : ३७ बजे

प्रतिक्रिया