काठमाडौं- भारत र रुसबीच स्टिल क्षेत्रमा सहकार्य गर्ने उद्देश्यले दुई देशका उच्च अधिकारीहरूबीच छलफल भएको छ । भारतीय उद्योग मन्त्रालयका अनुसार बिहीबार भारतका स्टिल सचिव र रुसका उद्योग तथा व्यापार उपमन्त्रीबीच विशेष भेटवार्ता भएको हो ।

यस राउन्ड टेबल बैठकमा दुवै देशका प्रतिनिधिहरूले स्टिल उत्पादनका लागि आवश्यक कच्चा पदार्थको आपूर्ति, प्राविधिक साझेदारी र मेसिनरी उपकरण निर्माणका विषयमा विस्तृत छलफल गरेका छन् । यसका साथै दुई राष्ट्रबीच यस क्षेत्रमा अनुसन्धानका अवसरहरू खोज्ने र आपसी सहयोगलाई थप सुदृढ बनाउनेबारे पनि सहमति भएको छ ।

भारतको उद्योग मन्त्रालयले यस भेटघाटलाई दुई देशबीचको औद्योगिक सम्बन्ध विस्तारमा एउटा महत्त्वपूर्ण कदमको रूपमा हेरेको समाचार संस्था रोयटर्सले जनाएको छ ।