काठमाडौं – नेपालले यूएईविरुद्ध हुने दुई खेलको टी–२० सिरिजका लागि दीपेन्द्रसिंह ऐरीको कप्तानीमा १५ सदस्यीय टोली घोषणा गरेको छ। नियमित कप्तान रोहित पौडेल भने यसपटक टोलीमा परेका छैनन् ।

घोषित टोलीमा कुशल मल्लले पुनरागमन गरेका छन् भने सन्तोष यादवले पहिलोपटक राष्ट्रिय टोलीमा स्थान बनाएका छन्। टोलीमा सन्दीप लामिछाने, कुशल भुर्तेल, सन्दीप जोरा, आरिफ शेख, बसिर अहमद, गुलशन झा, लोकेश बम, नन्दन यादवलगायत खेलाडी समावेश छन्।

यस्तै अर्जुन साउद, हेमन्त धामी, शहाब आलम र शेर मल्लले पनि टोलीमा स्थान बनाएका छन्। रिजर्भमा प्रतिश जीसी, नारायण जोशी र राशिद खान रहेका छन्।

नेपाल र यूएईबीचका दुई खेल वैशाख ६ र ७ गते कीर्तिपुरस्थित त्रिवि क्रिकेट मैदानमा साँझ ५ बजे हुनेछन्।