काठमाडौं- संयुक्त राष्ट्रसंघले अफगानिस्तानको काबुलस्थित एक अस्पतालमा भएको आक्रमणको स्वतन्त्र अनुसन्धान गर्न माग गरेको छ । कुलतको नशामा रहेका मानिसहरूको उपचार हुने अस्पतालमा आक्रमण भएको थियो ।

राष्ट्रसंघका मानव अधिकार प्रवक्ता थमिन अल–खीतानले जेनेभामा पत्रकारहरूसँग कुरा गर्दै काबुलको नशामुक्ति केन्द्रमा भएको विस्फोटको द्रूत, स्वतन्त्र र पारदर्शी रूपमा अनुसन्धान गरिनुपर्ने बताए । त्यसका जिम्मेवार व्यक्तिहरूलाई अन्तर्राष्ट्रिय मापदण्डअनुसार, जवाफदेही बनाइनुपर्ने उनको भनाइ छ ।

अफगानिस्तानको तालिवान सरकारले पाकिस्तानी सेनाले सोमबार राति सो अस्पतालमा हवाई आक्रमण गरेको आरोप लगाएको छ । उक्त आक्रमणमा परी करिब ४०० जना मारिएका र २५० जना घाइते भएका तालिवानले जनाएको छ ।

पाकिस्तानले भने यी आरोपहरूलाई झूटो र भ्रामक भन्दै अस्वीकार गरेको छ । आफूहरूलै सैन्य अखडा र ‘आतंकवादी’हरूलाई सहयोग पु¥याउने पूर्वाधारलाई मात्र निशाना बनाएको पाकिस्तानको दाबी छ ।

युरोपेली संघले भने अफगानिस्तान र पाकिस्तान दुवैलाई संयम अपनाउन अपिल गरेको छ । ईयूले यो द्वन्द्वलाई जतिसक्दो चाँडो अन्त्य गर्नुपर्नेमा जोड दिएको छ ।