काठमाडौं– राष्ट्रिय स्वतन्त्र पार्टी (रास्वपा)का उपसभापति डीपी अर्यालले प्रतिनिधिसभा निर्वाचनमा जिते पनि देश र जनताले जित्न बाँकी रहेको बताएका छन् । 

ललितपुरमा मंगलबारदेखि सुरू अभिमुखीकरणमा उनले सबै नेपालीलाई मेरा लागि सरकार छ भन्ने महसुस गराउने गरी काम गर्ने बताए। उनले भ्रष्टाचार अन्त्य गर्दै सुशासन कायम गर्ने गरी आगामी सरकारले काम गर्नुपर्नेमा जोड दिए ।

उपसभापति अर्यालले निर्वाचनमा पार्टी सभापति रवि लामिछाने र वरिष्ठ नेता बालेन शाहप्रतिको आशा, भरोसा, विश्वासका कारण जनताको विश्वास प्राप्त भएको उल्लेख गरे ।

सबैको लगनशीलता, क्षमता राष्ट्रका लागि सुम्पदैँ इतिहास लेख्ने अवसरलाई सदुपयोग गर्न सक्नुपर्ने उनले बताएका छन् ।