वीरगञ्ज – पर्साको वीरगञ्ज महानगरपालिका–१५ बास्तुबिहार चोकमा सशस्त्र प्रहरीले बेवारिसे अवस्थामा भेटिएको एउटा भारतीय कारबाट चार थान पेस्तोल र ६ वटा गोली बरामद गरेको छ।
सशस्त्र प्रहरी बल, नेपाल नम्बर १३ गण पर्साको मोबाइल टोलीले शङ्कास्पद रूपमा रोकिराखेको युपी १६ एजे ३३०१ नम्बरको भारतीय कार चेकजाँच गर्दा बोराभित्र लुकाइराखेको अवस्थामा हातहतियार फेला पारेको हो।
कारबाट २ थान कटुवा पेस्तोल, २ थान सिक्सर पेस्तोल र ती पेस्तोलमा प्रयोग हुने ७.६२ एमएमका ६ थान गोली बरामद भएको छ।
बरामद गरिएका हातहतियार, गोली तथा कारलाई आवश्यक अनुसन्धान र कानुनी कारबाहीका लागि जिल्ला प्रहरी कार्यालय पर्सामा बुझाइएको छ। घटनाबारे थप अनुसन्धान भइरहेको प्रहरीले जनाएको छ।
प्रतिक्रिया