इलाम – इलामको देउमाई नगरपालिका–१ साधुगाउँमा बोलेरो जिप दुर्घटना हुँदा चालकको घटनास्थलमै मृत्यु भएको छ।
बिहीबार मे १ ज ३७०६ (प्र.१–०१–००१ ज ३७०६) नम्बरको बोलेरो जिप सडकमा पल्टिँदा चालक देउमाई नगरपालिका–१ चमैता बस्ने अन्दाजी ३५ वर्षीय तीर्थराज बस्नेतको मृत्यु भएको हो। पल्टिएको गाडीले थिचिएर उनको घटनास्थलमै ज्यान गएको प्रहरीले जनाएको छ।
घटनाको जानकारी पाएलगत्तै इलाका प्रहरी कार्यालय मङ्गलबारेबाट प्रहरी निरीक्षकको कमान्डमा एसओको सहितको प्रहरी टोली खटिएर आवश्यक कानुनी प्रक्रिया अगाडि बढाएको छ।
दुर्घटनाको कारणबारे थप अनुसन्धान भइरहेको प्रहरीले जनाएको छ।
प्रतिक्रिया