काठमाडौँ – इन्टर मियामीले मेक्सिकन क्लब क्रुज अजुललाई २-० ले पराजित गर्दै क्याम्पियोन्स कपको उपाधि जितेको छ। यस जितसँगै मियामीले आफ्नो इतिहासमा पाँचौँ आधिकारिक ट्रफी कब्जा गर्न सफल भएको छ।
प्रतिस्पर्धात्मक बनेको खेलको २४ औँ मिनेटमा कप्तान लियोनेल मेसीले गोल गर्दै इन्टर मियामीलाई सुरुआती अग्रता दिलाएका थिए। पहिलो हाफमा १-० ले अघि रहेको मियामीका लागि खेलको ८१ औँ मिनेटमा कासेमिरोले दोस्रो गोल गर्दै जित निश्चित गरे।
क्रुज अजुलले गोल फर्काउने केही अवसर सिर्जना गरे पनि मियामीको रक्षापङ्क्ति छेक्न सकेन। अन्तिम समयसम्म उत्कृष्ट प्रदर्शन कायम राख्दै मियामीले २-० को जितसहित उपाधि उचालेको हो।
प्रतिक्रिया