काठमाडौं- नेपाली कांग्रेसका सभापति गगनकुमार थापाले इतर पक्षको राष्ट्रिय भेलाका कुराहरु आफूहरुले सुनेको बताएका छन् ।

संस्थापन इतर समूहले गरेको राष्ट्रिय भेलाको कुरा आफूले सुनेको बताउँदै त्यहाँबाट भएका कुनै पनि निर्णयहरु आफ्नो पार्टीको अङ्ग नबन्ने स्पष्ट पारेका छन् । पार्टी कार्यालय सानेपामा बोल्दै गगनले राष्ट्रिय भेलामा गरेको निर्णयहरू आफूहरूले स्वीकार नगर्ने बताए ।

‘भेलामा के नेताहरूले भनिरहनुभएको छ भन्नेबारे नेताहरूले सुन्नुपर्छ। मैले पनि सुनेँ । पार्टीका भेलाको निर्णयहरू स्वीकार्य हुँदैन । त्यसलाई हामी सम्मान गर्छौं तर त्यहाँका निर्णयहरू नीतिको कुनै अंग बन्दैनन् । कांग्रेस भित्र भेला गर्न पाइँदैन त ?’ उनले भने, ‘पाइन्छ हाम्रो पार्टीको परम्परा पनि छ । पार्टीको सभापति शेरबहादुर देउवा हुँदैगर्दा मैले धेरै भेला गरेको छु । भेलाहरू हुन्छन् । परम्परा छन् तर त्यसरी नै लिन्छौं । कांग्रेको धारणा हिजो जे थिए त्यही हो । कांग्रेसको आधिकारिक धारणा महासमिति बैठकले गर्छ। जुन अस्ति गोदावरीमा शेरबहादुर देउवाकै सभापतित्वमा सम्पन्न भएको  थियो ।’